Мэтгэлцээн МАН-ын нэр дэвшигчдийг хүнд суртлын машин болсныг харууллаа
Нам, эвслээс нэр дэвшигчид МҮОНРТ, TenGer TV зохион байгуулж буй мэтгэлцээнд оролцож эхэлжээ. Үзэх бүрд л хэн нь хэн бэ гэдэг нь түвэггүй харагдаж байна. Нэг л дүгнэлт хийлээ. МАН-ынхан өөрсдийгөө төр гэж боддог болчхож. Үүндээ ч бардаж МАН-ын нэр дэвшигчид хүнд суртлын машин болж хувирчээ. Найман жилийн турш засагласан МАН-ынхан биднийг “дээрээс” хардаг болж. Шууд болон шууд бус утгаараа шүү. Хоолой шахан, цээжээ түхийлгэн байж ирээд л ярьж байгаа үг, үйлдэл, биеийн хэлэмжээс нь яг л коммунизм үнэртэж байна.
Хэдхэн жилийн өмнө л тэс ондоо үзэл бодолтой байсан нөхөд танихын аргагүй болж. Ямар ч мундаг, сайн хүн байлаа гэсэн эрх мэдэл, муйхардлынхаа мананд уусчихдаг бололтой. Дарангуйлал ингэж л аажмаар биднийг нөмрөн авдаг юм байна. Энэ “мангас”-уудын үнэн нүүрийг өнгө будаггүй харуулж буй телевизүүдэд талархъя. Хэрсүү л байх юм шүү.
