Мисс, зураач Ө.Буянхишиг “Scottsdale Ferrari Art Week 2026”-д оролцох анхны монгол уран бүтээлч болжээ
Buyanaa Art нэрээр олон улсын тавцанд зурсан зургуудынх нь үнэлгээ 50000 ам.доллар давсан Ө.Буянхишиг 2020 оноос хойш хилийн чанад дахь карьераа эхлүүлжээ. Тэрээр “Art of UB” галерейгаараа дамжуулан их хотын соёлын нэг чухал хэмжүүр болох тансаг VIP орчинд зураг зурангаа DJ set сонсож найзуудтайгаа wine-дан хөгжилдөж, уран бүтээлчдийн бүтээлээс худалдан авах боломжийг олгосноороо шинэ соёл түгээж чадсан.
Улаанбаатар хотын хамгийн өндөр цэгт террастай тансаг галерей нээсэн Ө.Буянхишигийн үзэсгэлэн өдгөө 4 дэх удаагаа БНСУ-д гарч байгаа бөгөөд Солонгосын одууд түүний зургаас худалдан авч, инста орчинд тэрээр үзэсгэлэнт монгол зураач бүсгүй гэдэг өнцгөөрөө хэдийнэ танигдаад байна.
Ө.Буянхишиг Scottsdale Ferrari Art Week 2026-аас гадна Miami Art Basel context болон дэлхийд 10 гаруй топ үзэсгэлэнд оролцжээ. Дэлхийн топ гурван дуудлага худалдаанд Buyankhishig Unurbayar нэрээр Phillips Auction дээр тэрбээр мөн гарч ирэх болсон байна.
Тэрээр энэ удаад Scottsdale Ferrari Art Week 2026 тансаг зэрэглэлийн шоунд оролцохоор зэхэж байгаа аж. Уг шоу нь Ferrari, luxury lifestyle хосолсон event бөгөөд олон улсын 100 гаруй галерейн уран зураг, баримал, сontemporary болон fine art үзэсгэлэн, Ferrari болон бусад тансаг зэрэглэлийн автомашины үзүүлэн, fashion show, соёлын тоглолт, хөрөнгө оруулагчид, урлаг сонирхогчид цуглардаг гэдгээрээ алдартай. VVIP тодотголтой уг шоунд зөвхөн автомашин худалдан авсан хүмүүс уригдан үзэсгэлэнг үзэж сонирхон, уран зургийн худалдан авалт хийнэ.
Ө.Буянхишиг Монгол Улсынхаа нэрийг дэлхийд гаргаж 2016 оноос хойшхи хичээл зүтгэл нь өнөөдөр олон улсад үнэлэгджээ. Дэлхийн хэмжээний баячууд нэг дор цуглах, уулзах энэхүү боломжийн төлөө “Art of UB” галерейгаар Монголын томчууд эргэлдэж байгаа сурагтай. Тэгэхээс ч аргагүй. Оролцох галерей, зураач нь дэлхийн хэмжээнд аль хэдийнэ бүтээл нь үнлэгдсэн цуглуулагчид авсан байхаас гадна шалгуурт нийцсэн байх ёстой бөгөөд урилгыг зөвхөн галерей руу нь илгээдэг байна.
