ABOUT MOVIE: “Араатны хаан арслан” хүүхэлдэйн киноны тухай баримтууд
“Араатны хаан арслан” хүүхэлдэйн киног үзээгүй хүн бараг үгүй биз. 1994 оны 6-р сарын 15-нд нээлтээ хийснээсээ өнөөдрийг хүртэл 30 жилийн туршид эл уран бүтээл үзэгчдийн дуртай кино хэвээр байсаар байна.
Энэхүү киноны талаарх сонирхолтой баримтуудыг хүргэе.
-Киноны нэрийг Калахаригийн хаан, Араатны хаан, Ширэнгийн хаан гэхчилэн олон нэрсээс ярилцаж, “Ширэнгийн хаан” гэж нэрлэхээр тохироод байж. Гэтэл арсланг ширэнгэд амьдардаггүй. Тийм ч учраас “The lion king” болгон өөрчилжээ.
-Анх тус киног Жорж Скрибнер найруулахаар болж, “National geographic”-ийн аниметэд хувилбар болгохоор төлөвлөж байсан аж. Гэтэл багийнхан нь дуу хөгжим орсон байлгахыг хүссэн тул тэрбээр тус төслөөс татгалзсан гэдэг.
-Киноны анхны зохиолд үйл явдал нь арслан болон бабуин сармигчингийн хоорондын дайн тулааны тухай өгүүлэх байсан. Мөн Тимон, Пумбаа нар нь Симбагийн багын найзууд төдийгүй Симба тун ч залхуу, мунхаг дүрийг гаргах байсан гэдэг. Харин сүүлдээ үүнийг өөрчилж, одоогийн бидний мэддэг үйл явдал болж өөрчлөгджээ.
-Киног бүтээгчид зохиолыг бичихдээ У.Шекспирийн “Гамлет”, мөн Библийн Иосеф, Мосе нарын түүхээс санаа авсан. Соривтын гавлын ясаар тоглож байгаа хэсэг нь “Гамлет” жүжгийн Данийн ханхүүгийн үзэгдэлтэй ижилхэн.
-Зохиолд бичсэнээр бол Муфаса, Соривт хоёр ах дүү биш. Тэд нэг сүргийн арслангууд боловч, цусан төрлийн холбоогүй аж. Гэтэл киног дэлгэцэнд гарсны дараа үзсэн хүн бүр тэднийг ах дүүс гээд ойлгочихсон.
-“Араатны хаан арслан” киног амжилттад хүрнэ гэж уран бүтээлчид найдаагүй. Учир нь зохиолыг нь хамтран бичилцсэн хүмүүс “Бага зэрэг дутуу болчихлоо, үйл явдал нь сэтгэлд хүртэл болсонгүй” гэхчлэн сэтгэл дундуур байсан гэдэг.
-“Араатны хаан арслан” бол “Дисней”-н хамгийн амжилттай, ашиг орлоготой байсан кинонуудын нэг. Олон хүн “Араатны хаан арслан”-г “Покахонтас” кинотой эн зэрэгцэж чадахгүй л болов уу хэмээн дүгнэж байсан ч, бокс оффист “Покахонтас”-аас гурав дахин их буюу 968 сая ам.долларын ашиг олж чаджээ.
-Киноны гол дүрүүдийн нэр нь Африк утгатай. Тодруулбал, Симба нь арслан, Рафики нь найз, Пумбаа нь тэнэг, Банзай нь нуугдах, Шензи нь соёлжоогүй гэсэн утгатай юм байна. Харин Муфаса нь Кени улс Британид клончлогдохоос өмнөх сүүлчийн хаан байсан гэдэг.
-Кино бүтээгчид Кени улсад очиж, тухайн улсын байгаль, орчин зэргийг судалж, мөн киноны дүрүүдийг илүү бодитой болгохын тулд амьтдын зан чанарыг ч мөн харж, кинондоо тусгасан байна. Мөн алдарт “Хакуна Матата” гэдэг үгийг Африк улсаас мэдэж авсан аж.
-Анх Тимон, Пумбаа нарыг шавьж идэх тухай дуу дуулуулахаар төлөвлөж, дууг нь зохиогоод байсан ч, кино бүтээгчид Африкт явж байхдаа мэдэж авсан “Хакуна Матата” хэмээх үгийг санаж, Үнсгэлжингийн “Бибиди Бабиди Бү” дуу шиг гэгээлэг дуу хийхээр болсон байна. “Хакуна Матата” дуу ингэж төржээ. Энэ дууг Английн домогт дуучин, дуу зохиогч Элтон Жонн, Тим Райс нар зохиож, дуулсан.
-Кинонд олон алдартай жүжигчид дуу оруулсан. Тухайлбал, Симбад Мэтью Бродерик, Соривтод Жереми Айронс, Муфасад Жеймс Ирл Жонес, Шензид Вүүпи Голдберг, Зазуд Рован Аткинсон буюу мистер Бин гэх зэрэг алдартнууд дуу оруулжээ.
