Эргэн ирсэн Э.Намуун

“То bе or not tо bе” шоу нэвтрүүлгээр үзэгчдийн танил болж, Төрийн шагналт, Гавьяат жүжигчин Д.Сосорбарамын найруулсан Английн зохиолч Айн Рэндийн “Нэгдүгээр сарын 16-ы шөнө” жүжигт тоглон уран бүтээлийн гараагаа эхэлсэн жүжигчин Э.Намуун “Мөрөөдлийн театр”-ын “угшил”-тай.

Э.Намуун СУИС-ийг 2013 онд Ардын жүжигчин, найруулагч Б.Мөнхдоржийн удирдлагад төгссөн бөгөөд үргэлжлүүлэн найруулагчаар суралцжээ. “Мөрөөдлийн театр”-ын тайзны уран бүтээлүүдээс гадна “Цахлай нисэх гэж төрдөг”, “Хамтдаа” олон ангит, “Одод болох хүслэн”, “Үлгэрийн баатар гэртээ харих замд” уран сайхны кино зэрэг дэлгэцийн цөөхөн уран бүтээлд тоглосон ч ур чадвараараа гайхагддаг байсан түүнийг “Мөрөөдлийн театр”-ын жүжигчин Г.Эрхэмбаярын гэргий гэдгийг үзэгчид хэдийн мэднэ. Таван хүүхдийн ээж болж хэсэг хугацаанд уран бүтээлээс хол байсан ч тэрбээр яг одоо үзэгчдэд хүрч буй “Яг түүн шиг” шоугаар урлагт эргэн ирж буйгаа зарлаад буй.