Бүх цаг үеийн №1 фэшниста Э.Туулын гоёл Chanel, Gucci-гээр хязгаарлагдахгүй!  

Бүх цаг үеийн хамгийн дэгжин, загварлаг стильтэй, дээдсийн хүрээлэлдээ төгс төгөлдөр гэр бүлийг цоцлоосон, бизнесийн салбартаа брэнд, фэшн хатагтай Э.Туулыг энэ удаагийн хамгийн үнэтэй цүнхний магнатаар онцлон тодотгоё. 

Монголын төр, улс төрөөс төрсөн анхны тэрбумтан, ГОК-ын загалмайлсан эцэг Ш.Отгонбилэг агсаны голомт залгах хүү О.Содбилэгийн гэргий болсноор шинэ Монголын нийгэмд салхи татуулан орж ирсэн Э.Туул хуримын ёслолоосоо авахуулаад хувцаслалт, хувийн бизнес гэх мэт бүхий л талаараа дээдсийн хүрээнийхэнд шинэ соёл зааж, стандарт жишиг тогтоож эхэлсэн нь 2000-аад оны эхэн үе.

Нийслэл Улаанбаатар бараг хөдөөгөөрөө шахуу байхад Э.Туул хатагтай алдарт Birkin, Kelly-г өнгө, дүүзээр барьдаг байсан гээд бодохгүй юу. Тиймдээ ч алтан фешниста алдрыг өрсөлдөгчгүйгээр авсан. Нөхөр О.Содбилэг нь УИХ-ын гишүүн байхад чухам эднийхэн л наадмын ногоон асар, Алтан сарнай тэргүүтнийг чимдэг байв шүү дээ.

Товчхондоо Э.Туулын шүүгээнд хамгийн үнэтэй Hermes Birkin-ээс авахуулаад  харьцангуй нийтлэг болсон Chanel, Gucci, LV тэргүүтэн энгийн хэрэглээ. Гайхалтай нь сүүлийн жилүүдэд “Оргио” брэндээ зарж, чин сүсэгт Буддист болсноор Birkin, Kelly-гээ мөрнөөсөө тайлж, эв энгийн, эгэл жирийн эзэгтэй болсон “гэжуга”. Бараг гэгээрлийн замдаа шуударсан нь хүүгийнх нь ослоос болж үхэл, амьдралтай тэвмцсэнээс үүдэлтэй гэнэ лээ. Бусдаар бол одоо дөнгөж цүнхний үе дээрээ яваа МАК-ын Н.Цэлмүүн, хатагтай О.Байгал, мисс Ч.Мичидмаа нарт загвар, брэнд зааж үлгэрлэж явсныг мартаж болохгүй ээ. Захын нэг лүүк нь ямар гэдгийг инстаграмнаас нь тольдож болно. Мөн дээхэн үеийн celebrity сэтгүүлүүдийн нүүр хуудаснаа түүх болон үлджээ.