"Miss World" тэмцээнд оролцож буй Б.Болор "Авьяаслаг мисс" тэмцээний шилдэг 14-т шалгарчээ
71 дэх удаагийн “Miss World” тэмцээний шалгаруулалт Энэтхэг Улсын Нью Дели хотноо болж буй.
Дэлхийн 120 гаруй орны гоо бүсгүй оролцож буй тус тэмцээнд "Монголын сайхан бүсгүй" тэмцээний Алтан эрдэнийн титэмт, "Miss world Mongolia 2023" тэмцээний Үндэсний ялагч Б.Болор оролцож байна.
Үндэсний урлагийн их театрын гоцлол бүжигчнээр ажилладаг тэрээр 2018 онд Монгол Улсын Консерваторийг “Бүжгийн жүжигчин” мэргэжлээр, 2023 онд СУИС-ийг “Бүжиг дэглээч, найруулагч” мэргэжлээр тус, тус төгсжээ.
Тэгвэл өчигдөр тэмцээний авьяаслаг миссийн шалгаруулалт болж өнгөрлөө. Улмаар тус шалгаруулалтад Монголын мисс Б.Болор шилдэг 14-т шалгарчээ.
