Өнөөдрөөс "Physical: Welcome to Mongolia" шоуг Netflix-ээр үзэх боломжтой

Netflix-ийн бүтээсэн "Physical Asia" шоу нэвтрүүлэг дэлхийг байлдан дагуулж чадсан. Тэгвэл тус нэвтрүүлгийн баг өнгөрсөн арванхоёрдугаар сард Монголд ирж, "Physical: Welcome to Mongolia" хэмээх шинэ шоу нэвтрүүлэг хийсэн юм. Нэвтрүүлэгт Монголын багийн ахлагч Б.Орхонбаяр, Э.Лхагва-Очир нар оролцсон бол Солонгосоос багийн ахлагч Ким Дон Хён, Амотти нар, мөн Австралийн багийн Эдди Уилимьс нар оролцжээ. 

Тус шоу нэвтрүүлэг 4 ангиас бүрдэнэ. Эхний хоёр анги нь зөвхөн БНСУ-д 12-р сарын 24-нд нээлтээ хийсэн. Дараагийн 3, 4-р анги 12-р сарын 31-нд цацагдсан юм. Тэгвэл бусад орны үзэгчид 2026 оны нэгдүгээр сарын 2 буюу өнөөдрөөс үзэх боломжтой болж байна.