Монголын хамгийн авьяаслаг, мэдрэмжтэй телевизийн захирлаар Г.Анхбаяр нэрлэгдэж байна

“Шоубиз” Анхааг баян айлын хүргэн болсныхоо ачаар “Central” телевизийн захирал боллоо гэж жиг жугхийдэг ч харин ч эсрэгээрээ М-Си-Эс мэдрэмжтэй авьяаслаг түүний ачаар телевиз нь оргил цаг болон хандалтыг эзэгнэж байна. “Гурван найз” цувралын Цэрэндалайгаар хоногшсон тэрээр Монголын номер 1 телевизийг удирдахаасаа өмнө “Луйврын хот”, “Франц үнсэлт”, “Фэйсбүүк од” гэхчлэн хийсэн бүтээл бүр нь шуугиулдаг товчхондоо энтертайнмент ертөнцөд хэдийнэ хүлээн зөвшөөрөгдсөн нэгэн байв. Одоо ч тэрхүү эрчмээрээ цэмбэгэр захирлаас гадна өөрөө эфирт гардаг, бүтээл бүртээ оролцдог цор ганц телевизийн захирал болоод байна.

Манай тв захирлууд элдэв янзын уралдаан санаачлан ардаас нь базаж суудаг. Хаа нэг кино бүтээж кинотеатрт гаргахдаа ойрын төрлийнхнөө илүү рекламдах хандлагатай. Ихэнх телевизүүдийг хөрөнгөтэй айлын хүүхдүүд удирдаж, ажлын гараа, туршлагын талбараа болгох нь ч элбэг.

Угтаа телевиз бол урлаг юм. Мэдээж мэргэжлийн ур чадвар шаардана. Энэ түвшинд нь хөгжүүлэхгүй бол өдөр ирэх тусам телевиз үзэгчдийн тоо буурч, энэ салбар үндсэндээ уруудах циклдээ яваа. Урлагийн хэмжээнд мэдэрдэг, мэргэжлийн, шинийг сэтгэдэг Анхаа шиг зоригтой, зүрхтэй, вкустай захирлууд олон байж гэмээнэ үзэгчид тв-д уягдсан хэвээр байх юм.

Оны өмнө гарсан “Tonight show”-г жишээ нь зөвхөн Анхаа л хийж чадна. Асар их хөрөнгө, хүч шаардах франчайзинг төсөл. “Тэнгисийн эрэг дээрх 247” мөн л франчайзинг төсөл. Товчхондоо Central телевизийн дээрх шоунууд, нийтлэлийн бодлого энэ цаг үед Монголын телевизийн урлагийг өнгөлж, тодорхойлж байна.