Хойд бүсэд МАН-аас нэр дэвших ГОК-ын орлогч дарга Д.Үүрийнтуяа гэж хэн бэ?
Хойд бүсэд нэр дэвших нь нэгэнт тодорхой болсон ГОК-ын орлогч дарга Д.Үүрийнтуяа гэж хэн бэ? Тэрээр Төв аймгийн Лүн суманд төрсөн, 42 настай, нөхөр, 3 хүүхдийн хамт амьдардаг. ХААИС-ийг эдийн засагч мэргэжлээр дүүргэж, 2003-2013 онд Говьсүмбэр аймгийн Мэргэжлийн хяналтын газарт байцаагч, 2014-2016 онд “Содмонгол групп”-ийн Орхон салбарын захирал, группийн худалдаа эрхэлсэн дэд захирал, 2017 оноос Эрдэнэт үйлдвэрийн Ерөнхий захирлын санхүү, эдийн засаг хариуцсан зөвлөхөөр ажиллах болсон.
“Монросцветмет”-ийн Х.Бадамсүрэнгийн ойрын хамаатан, түүний татаасаар ГОК-д орж орлогч дарга хүртэл карьер өссөн. Нэг хэсэг “Эрдэнэт” үйлдвэрээс зарласан өндөр дүн бүхий тендер бүрт “Содмонгол” групп ялдаг гэх хэл аманд орооцолдож байсан. Тийм ч учраас Ц.Анандбазарын бизнесийг "Эрдэнэт үйлдвэр" дээр дэмжиж, Х.Бадамсүрэнгийн мөнгө угаалтад оролцдог хүүхэн гэгддэг. Д.Үүрийнтуяад байгаа цор ганц хар толбо энэ гэж болно. Бусдаар УИХ-ын гишүүн Ж.Бат-Эрдэнэ, БХБ-ын дэд сайд, Ө.Энхтүвшингийн хүү Э.Золбоот, БОАЖ-ын сайд “пороро” Б.Бат-Эрдэнэ нарыг эс тооцвол сул тойрог гэж үзэж болохоор хойд бүсэд ганц эмэгтэй нэр дэвшигч торойж буй нь тэр. Уг нь гал цогтойхон шиг гараад ирвэл хүйсийн хувьд эмэгтэй, насны хувьд идэр залуу, тэгээд ч шинэ хүн учраас торойгоод гараад ирэх боломж харагдаж байгаа юм. Даанч энд тэндэхийн болсон, болоогүй телевизүүдэд уйтгартай, усан ярилцлага өгөхөөс өөрөөр дорвитой дүр, манлайлал үзүүлэхгүй байгаа нь харамсалтай.
