“K-Pop Demon Hunters" киноны "Golden" дуу Грэмми шагнал хүртлээ
“K-Pop Demon Hunters" кино нээлтээ хийсэн цагаас хойш рекордууд эвдэж, чартуудыг тэргүүлэн, хоёр ч Golden Globe шагнал хүртэж, богино хугацаанд асар том фенүүдийн хүрээллийг бий болгосон. Netflix-ийн түүхэн дэх хамгийн их үзэлттэй кино болсон “K-Pop Demon Hunters"-ийн "Golden” дуу 68 дахь удаагийн Грэмми шагнал гардуулах ёслолоос шагнал хүртлээ.
“Golden” дуу нь Visual media-д зориулан бичигдсэн шилдэг дуу шагналыг авсан бөгөөд мөн Song of the Year (Оны дуу) ангилалд нэр дэвшсэн юм.
Киноны саундтрэкийг үзэгчид маш ихээр сонирхож, “Golden” дууг Spotify дээр 1 тэрбум стрим-д хүргэсэн байна.
Мөн киноны дараагийн ангийг хийх ажлыг Netflix болон Sony нар хамтран хийж байгаа аж. Уг шинэ ангийг 2029 онд нээлтээ хийх төлөвтэй гэж олон улсын мэдээллийн агентлагууд мэдээлжээ.
