Улсын аварга Ч.Санжаадамба сар шинийн босгон дээр Монгол Улсын гавьяат тамирчин цол хүртэнэ
Улсын аварга Ч.Санжаадамбыг сар шинийн босгон дээр Ерөнхийлөгчийн зарлигаар Монгол Улсын гавьяат тамирчин цолоор шагнахаар болжээ.
Ч.Санжаадамба нь цэргийн хурц арслан цолноос шууд улсын заан гэх эрхэм цолны эзэн болж байсан, 2010 оны Бар жилийн цагаан сарын барилдаанд аймаг, цэргийн цолтой бөхчүүдээс анх удаа түрүүлсэн, мөн Гиннесийн номд зориулсан 6002 хүчит бөхийн барилдаанд түрүүлж Гинессийн номд нэрээ мөнхөлсөн тэрээр Тулгар төрийн 2225, Их Монгол Улсын 810, Ардын хувьсгалын 95 жилийн ойн Үндэсний их баяр наадмын 1024 хүчит бөхийн барилдаанд 10 даван түрүүлж Монгол улсын аварга цол авсан гэх түүхэн амжилтуудын эзэн юм.
Түүнийг бөх сонирхогчид өнөө цагт төрсөн жудагтай ховорхон сайн бөхчүүдийн нэг хэмээдэг.
